今朝9點起身，食埋2個好朋友飲埋杯牛乳好Genki(元氣)咁10點幾就出發去JR河內永和站搭去第一站大阪站向Osaka Station City進發...
經過N咁多次終於可以du入去喇!~
我張JR東日本成田Express別注Suica card，黎到大阪咁耐佢都未有用武之地，今日終於可以開齋la...(在西日本地域只有JR接受Suica，想覆蓋其他交通機關既需買JR西日本發賣既Icoca card先得)
上到月台啱啱走班車，尼條JR大阪東線要等成15min先有車，我係搭1號月台去放出
月台望落去左面就係必經既PoPoAvenue商店街
201系通勤型列車駕駛室，支剎車杆係可以俾司機拆走，用意不明
到達放出，就過對面学研都市線月台等車
就係去京橋再轉。啱啱好32分有架快速
学研都市線既線色就係尼隻青綠色
就係上尼架207系新塗裝列車。
左面有個訊号，佢又要指喇...(此為日本鉄道行業通用既加強警愓意識之習慣)
到達京橋
SoftBank家族全家福，尼期sell緊學生+家人優惠。呀Otousan(爸爸)(softbank既image dog)永遠都唔可以冇佢份，上户彩基本上都係，呀媽有d似瘦版江美儀
225系次世代快速型列車
等埋站
見到尼架前一代既經典大阪環狀線103系，現正續漸用201系取代等待引退。暫時與佢無緣
咁啱撞正尼架關空快速225系，即上去睇吓先(因為大阪站唔洗問都知停硬)
去大阪只係3個站
就埋站喇
一落車就覺得個天幕好靚，3個角度影一次。記得以前玩電車GO既時候只係每個月台有各自既月台蓋頂，而家已經大改造起埋隔離棟綜合購物樓兼landmark天幕
之後落埋其他月台影吓其他列車...
東海道本線221系
現役既201系大阪環狀線
月台上面連接各月台既橋
尼架189系係氣動車，既非電力列車
叫特急Hamakaze，去香住
223系快速型列車
跟住見到仲有架11分既特急會到，就等一陣睇吓係乜野車先...
原來係287系
特急KOUNOTORI，去城崎温泉，真係唔識
lobby個lcd
仲進行緊月台蓋頂改善工程，相信真係個新地標
JR伊勢丹溝三越百貨
上去望吓先...
上到去都好靚，係個中空既廣場
時空之廣場鐘金色版
望落去見到大阪站total既11個月台
近距離d影吓個天幕
時空之廣場鐘金色版
之後就入去大丸...
揾我要潮去13樓望吓既TOMICA SHOP喇
有埋POKEMON shop
成個超市咁
POKEMON隔離就係TOMICA SHOP，一場去到梗係順便問吓有冇part time請la，個staff知道我係tomica collector後都好nice咁多謝我對佢哋product既支持，亦都幫我問佢上司，可惜大阪只得1間分店，現時都冇空缺。亦都賣哂我想揾既ALWAYS電影別注三腳雞(即日本典型昭和時代常見既大發Miget三輪車)如果尼度有一定係賣番通常價格525円。
之後過隔離UNIQUO睇吓，真係貴香港一d，唔係想像之中咁平價brand既感覺
再行吓東急手睇吓家品尼層先...
見到香港用開既Oral B Cross Action牙刷，貴足一倍。一般日本藥房唔多見，不過當然入口貨喺日本通常一定貴d
個煲真係一d都唔算重
幾搞野~
尼d款少見
再睇吓11/F
薄木板模型
之後落到專賣Design product同其他潮流用品玩意既10/F度又睇吓...
Yen紙memo pad
冲完涼後唔知係咪好似佢咁爽呢?!...
尼部cheap cheap大陸唸佛和尚，個盒係寫簡體字，黎到日本升價十倍。喺大陸分分鐘100有找
頭皮??要硬實頭皮撐落去~尼部頭皮都要798円，日本黎講算合理
面具corner
做金佛既代價係2100円!!不過就係用對皮膚冇影响既物料造
香港暫未有得賣既LEGO建築師系列，用簡潔線條凝造建築物神髓，我覺得整得幾靚。有西雅圖電視塔、帝國大厦同最新全球最高既杜拜哈利法塔，但偏偏唔整日本d建築物,eg.Sky Tree...
仲有柏林既布蘭登堡門同美國白宮
東京Sky Tree Rar痕捧，仲有聲
用日本小型積木Nano Block砌既桃太郎，一定要配番個日本一上去先有神隨!
STAR WARS碌光劍筷子，我都覺得幾型，我就梗係鐘意藍色la，不過嗱佢把劍去夾餸既代價係HK$106
鬆弛熊女兒節公仔版，隻雞好似做媒人咁(笑)
睇完出番黎就搭車去第ニ站揾間喺森之宮嗰頭會有比香港平既特注tomica賣既一間mini car shop，又搭番大阪環狀線去la...
大阪Station City已採用環保循環再生系统去節能
上左尼架有寫住大阪環狀線50年logo既201系
之前大約知道邊個方向邊一頭就咁馮本旅遊書其中一怱地圖貢去...
途中d住宅上有隻黑白貓就影吓佢la，不過佢都有d驚我會上去摷佢咁...好典型既日本風情
之後左貢右貢都唔知道應該貢過龍，就停低問吓路人甲，指左正確方向叫我轉右一直行，但喺邊怱就仲未見到，行到去一處路口既時侯就見到下面位路人乙，就問吓佢，初頭睇佢個樣都好似唔識咁，但係就係喺尼d時候就往住體現到日本人嗰種歇盡所能去幫人同唔知就會主動請教人嗰種既精神。之所以咁講，係因為佢都走去幫我問另外一個主婦路人丙，得知點去之後佢係帶我行埋過去公園度當我見到間舖頭先走ga，真係送佛送到西!~暫時我喺日本既人緣運都唔錯吖...
繼"難波料理職人"後第2個送佛送到西既大阪人"森之宮路人乙"，後生可為!又要表揚吓la!~
IIADO mini car shop，東京銀座都有分店，有寄賣、特注、仲有自己出埋特注tomica，睇完佢原本有成4000pcs tomica items返左但未check唔睇得住，佢門口嗰幾箱都係，佢話唯有下星期打去問左佢有未先再去睇la...(不過一定要連埋去其他地方先黎，如果唔係車費太貴la...)佢同另外一間同佢同類型既Gulliver喺tomica fans圈子既人基本上無人不識
睇完冇野啱就行番去車站。黎到大阪第一次見尼間山崎麵包開既便利店
上年喺東京皇居見過三菱Canter既熊貓搬屋，今次尼架係新ISUZU ELF唯獨唔用原裝流線型整流板，但都覺得好靚
有牛奶妹店同布施都有既龜王九州拉麵
入左去睇下
被腳鏈鎖住既牛奶妹?!唔通真係有人會打佢主意
尼程落隔離既地鐵度搭去第三站心齋橋
好貴既5個站ar!!!!~~~~
佢都有月台閘門，反而東京Metro上年搭過都未有
230円5個站!!今朝JR河內永和出到去大阪先210円，怱然覺得JR都唔貴...
速影速上車!
鐘意佢哋地下鐵d隧道係"光明前路"
同東京Metro唔同在控制台喺右面，但係就同香港一樣。本身日本都已經分成企扶手梯企左面既"東京左派"同企扶手梯企右面既"大阪右派"都好同香港相同，唔洗另外習慣
到喇...
觀光廳振與日本"Ganbarou日本"(努力吧日本)既slogan"讓日本添上朝氣，旅程中添上笑容"，正與我此行想一訪東北既目的不謀而合
一幅平易近人、比較接近群眾既一幅藝術畫作。只要仔細一看，唔難揾到當中重要訊息，可以明顯睇到一隻灰色既手指向右邊，象徵指向光輝，手上托住既彩虹色筆觸寫住O、S、A、K、A OSAKA(大阪)既字樣，亦睇到有大阪城、花火、帆船。整體意念正體現到作者既主題—"邁向着光輝—大阪"
原來出自國際知名既板畫作家黑崎彰手筆既"邁向着光輝—大阪"。98年由日本獎券恊會寄贈
出尼個南13出口
一出黎又只見到尼幾間名牌
之後問d綠衫派傳單女仔得知美國村右面直行(懶睇地圖...)
喺日本仍然保留住一個只會存在喺港人集體回憶裏面既大丸舊logo喺大丸本館上面，左面為新館
有Apple Shop
美國村主街既彎腰火柴人燈柱
直立既火柴人燈柱
用單車加拖卡既人力單車速遞，第一次見
三角公園側既交番(派出所)
入到美國村既中央有d似新宿咁有d垃圾喺地下既三角公園
三角公園對埋既甲賀流燒八爪魚丸
甲賀流既350円10粒Takoyaki抵食，叫佢"ソース一杯"(多汁)就變成尼個泛濫look。但係就唔係我想食嗰種正統個粉皮韌少少嗰隻，係溶溶哋既TYPE。
坐喺公園第一次街頭自拍食相
原來本書係有寫尼間係做溶溶地既風格，亦都係創出用燒汁同蛋黄醬配既老舖。一個月前加左價350円
食完逛左一逛就過心齋橋筋嗰邊
出番大路路口就係APPLE SHOP。左面架BENZ好勁，有位禮服呀叔揸車，架車係S Class AMG版(Benz既跑車改裝部門系列名)，跑軨薄呔雙死氣喉，夠哂惡，車牌号碼亦都只係1，真係名牌區至見到，喺布施揾架Benz都難，唔好話乜AMG
着左燈再影多次
新翼心齋橋筋
大丸本館門口好靚既孔雀開屏雕飾
舊心齋橋筋
舊翼連接新翼心齋橋筋中間既過路線
舊心齋橋筋
小肥羊開到日本
上次去新宿都見到佢，個名夠低能所以易認
上左去睇吓有冇貓野
行過去道頓堀
行到尼度見到嗰咋冕虹光就知終於行到喇!~
到達條戎橋，即係代表好排影
喺戎橋上第一幅自拍失敗，之後玩左幾次放棄揾人影
喺尼個代表大阪image既地標前條橋度玩左幾耐，唔黎尼度同冇黎大阪冇分別!要捕捉唔同既變化先...
原裝版本
唔同顏色
變化中
揾左個女仔影第一幅，但我嫌固力果人條跑道冇着燈，叫佢幫我再影
第2幅捕捉到，可惜我黑左d，不過叫人影都唔能夠要求咁高架喇...
固力果人板對面
過橋後道頓堀大街
歌舞伎廳
明治卡路叔叔
原本係餐廳既招牌公仔人板，而家成人氣賺錢工具
好攪野，將個mochichi馬騮頭融入takoyaki元素裏面
吉本與業組合既衍生品
又一個character crossover
繼續直行去金龍
見個日本妹個friend影完，就叫佢幫我影，佢好盡責，佢覺得第一幅影得唔好幫我再影多幅，廿幾歲都有9分幾靚女，果然靚女係做野企理d架!~(笑)本京阪神書就咁卷起插落褸袋度。
睇見佢個衰樣就諗到大傻!!...(笑)
食金龍拉麵
之前喺心齋橋間藥房買只係58円既伊藤園冷梅，少少酸好香梅味既梅醋溝梳打水既幾fresh既味，我鐘意梅味所以幾鐘意
好，到碗麵，只有兩個選擇，普通拉麵700円同我揀尼個叉燒拉麵900円。可任加泡菜、韮菜同蒜蓉
尼兩幅都玩左幾耐先成功
尼幅好d
肥糕叉。我都加左3轉泡菜，佢未係我想像之中特別好食到好似佢條龍咁突出
但係真係幾多香港人黎食，尼幅就係我叫後面個香港人個friend幫我影嘅。我問佢黎玩幾多日係咪住喺附近酒店，佢又問我住邊，我就話我係香港人但而家住喺東大阪嗰邊後佢就話你就好la我後日走ga la....第一次感覺到working holiday既優越(笑)。跟住真係同鄉三分親，佢幫我喺唔同角度影捕捉我既食相...
shui~shui~~~
佢仲話要影埋後面整麵d人先似喺街食麵架嘛...
影完我都有幫佢影番ga
俾哂面la~淨抵d蒜蓉碎
食飽再行
尼間喺金龍斜對面既金久右衛門有好多日本人食，都平過金龍d，反而金龍外國人多。但就唔係豬骨湯係醬油底
攞過電視有播既拉麵準優勝獎，唔怪得知la
一路行前...
就見到佢，梗係要同佢say個hi架la
暗佢瞓~乖ar~
黑貓對面
100年前喺美國誕生既幸福神，而家成為道頓堀image人物一份子
上次喺新宿食過，好掛住若狹家ar~黎到日本咁耐都未食過魚生，下次點都要豪多次整番個多併大盛至能夠滿足
入番固力果專門店，佢越大越肥喎!~左邊係5幾年既樣，右面個樣都已經係20年前(而家係平成24年la)
有免費穿梭小巴住來車站與新世界同道頓堀
乳房布甸。攪野在大到要佢自己托住。仲連埋焦糖糖漿
原來另外一面間金龍叫碗麵就有白飯任食
喺中間條橋口度
又有一蘭，下次都要食吓
唐德訶吉巨塔。隻唐德訶吉企鵝好似好唔願意對位惠比壽神咁~
入左去唐德訶吉度逛吓...見到佢幅門畫畫得幾靚又影吓
行到11點幾係時候要返歸，如果唔係趕唔切連終電都搭唔到就大鑊喇...
又要攞命250円!...
返到去都係11點半鬆d條街就已經望到尾都冇車
今日由10點幾出去，去足12粒鐘先返黎，成程勁行，都幾攰~
所以而家最想有部單車就可以慳番車費之餘又唔洗咁攰...
