24-2-2012 (24日目) - 興奮卻擔憂 / 與M小姐會面

繼上次自己公司電話應募觸潐後，今日3點幾起身洗好面，精神奕奕咁懷住既沉重又要提醒自己要放鬆d既心情，對住貓紙流暢地喺尼幾分鐘既對話裏面表達哂自己對佢地product既熟識同好大既與趣喺佢哋度返工既熱情....揭開摺機打去...(由於對我尼講除左之前自己香港做開間公司最想做之外就係TOMICA SHOP，每日返工都可以唔似返工咁對住d總係俾人開心印象既玩具同小朋友用品，又可以同冇機心既日本小朋友so so係幾咁能夠忘記左你係返緊工既心情，令返工成為行街睇心頭好咁，所以都抱有小寄望...)
打到去好在我都醒醒定定講得都算流暢，當中我都表達到之前予計要俾佢知既野，亦都表達到一種由於自己係Tomica Fans非常渴望到佢度工作既熱情，同埋提及過之前喺香港間公司既近3年既serve客經驗(雖然佢係冇接客經驗同外國人都可接受，但我始終係以外國人既身份應徵，唔排除佢哋始終有保留，所以諗住唔好理咁多，將所有優勢都一一亶報博取左佢俾你面試既機會先!)期望佢能夠俾我面試一見既機會。果然喺我講哂我壇野之後佢就問我你而家住喺邊度住，我就即刻答佢我太想黎TOMICA SHOP做，我可以特意過黎東京面試。佢聽完之後就問我3月5號我得唔得閒去見。Woa!!~~Woa!!~~Wao!!~~即刻醒神百倍十秒!...........

但接落黎就係3月份租點算呢...5號先知請唔請，唯有明日開house meeting時問吓井上san(屋主)la...之後就係要定錢交租，就屈死要去seven度，左入番尼便銀行...途中經過尼間空手道會館。黎到日本咁耐第一次見

見到呀sir教緊佢哋，之後對練，Ushi~Ushi~咁~門口班家長都坐喺tatami等佢哋

去完seven就過番去河內永和嗰邊間郵局個ATM入番餘數。

就喺路口見到原來有個好少見會又閃又熄既LED燈停車路牌，都係第一次見

去完郵局就諗住去AEON睇吓有乜劈價壽司食...

開始擺緊女兒節應節食品，提醒大家3月3日係喇~(佢唔講我都唔知...)

好多款

好靚既米餅

桃味扮白酒無酒精既for小朋友飲品

內有5細pack既棉花糖

d軟糖靚到...

寶石啫喱糖

買左盒7折刺身壽司獎勵吓自己得到寶貴既面試機會

d醬油同wasabi都有得任攞，真係好

第一次攞腳架影食相

塊吞拿魚好鮮味!!~~

食完就揾M小姐喇!~唔好以為M for mother,而係M for MiMi呀!~~我媽話我飛左之後佢幾日都喺門口等我又喊咁真係慘la妹妹!...飛之前已經同佢講左要一年之後先再抱抱佢架喇...

佢踏住兩隻手仔喺裝枱度好似好期待見哥哥(我)咁喎

抱起佢都未望到

終於肯自己揾哥哥喇~(望吓哥哥係咪同我講野先~)

真係乖喇!!~聽住哥哥同你傾計lei!

點解淨係聽到哥哥把聲又唔抱我嘅??~

我媽引佢...

又聽到哥哥嗌我喇，淨大眼仔望清楚先...

 坐定定好乖呀妹妹!!~

肥妹妹尼架!

掛住食mum mum唔理哥哥喇!

用手仔料兜兜偷mum mum?!da da架喇!

M小姐好鐘意人餵架~

 ~好la，下次再揾過哥哥喇!知唔知!~

會面完再食埋2塊練奶方包加牛乳宵夜就結束左又開心又擔心既一日喇。