13-2-2012 (13日目) - 繼續揾答案

晏晝食尼2個大肉饅

食完就拾下房再繼續揾吓d plan既答案再出去買d日用品...

美女與野獸?!佢隻獅子唔係整得真就幅相真係合成得好好。佢寫嗰個"めっちゃ"(mecha)係日本人口語裏面非常既意思，近排成日聽到share house d日本人講

返黎睇吓本N2對策書準備星期三跟Cher san去義工舉辦既日本語教室上吓堂。

今晚都冇乜胃口就食麵la...

食完睇下個信箱塞入黎既傳單係sell d乜先，其中尼張你可以話冇咁快關自己事...雖然日本人口老化緊，聽做貿易公司既蓧原san話連一d外資跨國企業都將會陸續出現退出日本市場潮，加上日本人睇死無中國人咁忌諱，亦唔怪得殯儀野可以當傳單派。但係佢明知尼度係share house根本唔會有老人家住，我諗派黎都係博吓有冇人既家人過身會揾佢哋而已。

我d好奇心駒使我仔細去睇下人哋辦喪事既用品係d乜。尼間殯儀服務仲攞到業界AAA評級兼ISO9001認証等榮譽，可以了解到佢哋有得分期付款同埋佢哋為左守夜係有房喺殯儀社裏面瞓同有地方食野，仲有俾埋咖啡送埋報紙俾你朝早有得睇，真係服務周到。香港就算係冇停屍間都唔會諗瞓殯儀社，

 明日決定去Aeon問下尼間DoCoMo旗下b-mobile既Aeon限定plan詳細情況。佢係可以一卡通話兼上網既齋SIM card 一年約plan，但係平plan既話就用唔到速度要求高既即時對話工具。