今日決定去b-mobile度睇吓先，去到有位師奶sales就好有耐性解釋個plan俾我知，我諗住佢都係屬非iphone派用既大Prepaid Card plan我部香港帶過黎既Samsung Galaxy W就應該可以la，我已經同佢講話個plan既通訊制式係同我部機一樣應該對應到，之後佢打去問office嗰邊d人好幾次回答我唔同既問題，最後都係答海外手機佢哋真係唔能夠答實可唔可以用到，另外一個男人就話日本有SIM lock又叫我send email去問helpdesk嗰邊問下，佢亦都再三聲明，連佢哋都真係唔知用唔用到佢都唔會謬謬然俾你簽一年約，就算你肯博佢又肯俾你簽都應該過唔到審查嗰關。但暫時我睇過既對我尼講唯獨AEON尼個plan係1年約得尼又平又可以俾多1個月月費就可以免罰金既選擇，所以而家只可以confirm埋自己部機係SIM free既話先再試問多次作最後嘗試，餚左超耐...明明係同香港一樣3G 2100MHz通訊頻率、支援HSUPA通訊制式兼SIM free，都可以話因為日本有SIM lock既關係大家係SIM free都唔肯定用唔用到，真係只可嘆息唔做就唔會錯...
咁我唯有要托屋企人問香港嗰邊confirm一下我部機有冇SIM lock先，再攞埋隔離檔既EMOBILE張野番去睇多次就已經差不多係時候返去send去b-mobile個email度問下同食飯。
睇過E MOBILE之後發現無論打去邊個台或固網都免你300次10min既通話，over10min先18.9円/30秒，基本上撇除覆蓋率外係最平
唔上山下海既話(覆蓋唔到)1695円/月plan，2年約，解約費9975円係OK既
今晚食印Hachi牌印度風咖喱，印度風都唔會似印度咖喱味，所謂印度風都係日式咖喱味多少少香料味同加左我唔太like既豆落去，麻麻...
佢哋真係興情人節饋贈朱古力俾大家一齊分享，左為吉田san送，右為BORI san(匈牙利女仔)送既，之後連井上san都黎送朱古力擺滿個cake stand度俾我哋分享，品嘗尼d朱古力對我尼個孤無寡物尼講都算係一種感受情人節既唯一途徑...
之後得知自己部機係SIM free就明日暫且繼續去問多次出唔出到plan，唔得既話就過隔離EMOBILE度出plan。
沒有留言:
張貼留言