15-2-2012 (15日目) - 初踏日本語教室

今日即刻出去AEON個EMOBILE度出plan。去到即刻問佢0機價既plan d詳情，之後一段悠長既溝通與了解後就進入填form階段，去到要填個固網電話嗰欄佢話冇既話係做唔到登錄，就咁企左喺度...(Share House度又冇固網電話，我又唔係留學生冇得填學校嗰個，點算?!...)諗左一陣諗起Cher san當初都係填市民會館既電話落去，我唯有叫佢hold住先，我返share house度揾電話再返黎。

返到去我即刻摷d傳單睇下有冇得"抄考"，因為一定唔可以揾d free dail 0120頭既電話，就俾個上門按摩店既電話俾佢la...(反正佢只用作登記，根本唔會謬謬然打黎揾你)

返番去填埋再作詳細收費細節講解後佢就話要等2粒鐘先可以開通個電話。咁我就去LAWSON 100 STORE度揾上次見吉原san食過辣到yoh yoh聲既辛辣杯麵激辛版試吓，到差唔多7點先返去睇下佢ok未。

喺JR河內永和駅橋底既LAWSON 100円STORE，亦都有非100円野賣

買左尼d

7點返去EMOBILE度都未得，同我鞠哂躬say sorry...都冇計，我上完堂都9點佢都閂左，唯有明天再去。

跟住直去東大阪市民會館(即社區會堂)，上到去一間大多用途講室入去見到有大枱放哂d書喺度，同埋義工老師1對1咁教緊人，後到既我已見Cher san被教緊，我攞左本"小学社会(下)"就問其他坐着既老師第一黎應該點，佢就叫我坐埋初次黎既人嗰台度填左資料，之後就揾左一個老師黎了解我既程度。佢見到我嗱住本"小学社会(下)"佢笑左出黎，我又笑埋...(諗住唔会咁深到溝通唔到)

跟住第一堂都係同你互相傾下計傾下我背景傾下屋企野籍此了解吓你會話能力，傾吓睇吓其他學生發表文章後就已經一堂lar。都係一個鍛練會話既好機會，3個月先象徵式收1000円，逢星期三上堂，星期五喺第ニ度都有，幾好玩。

上完堂勁肚餓。返去即煮飯。食洋葱汁肉粒飯+上面塊照燒雞漢堡扒

整好碟飯佢地就喺度研究d關西語

彭san間大學度俾佢既大阪口音對照紙

大家研究完都覺得現在share house度既大阪人同奈良人都好用關西音去講。

明日仲要去E MOBILE度睇佢點。