Kazuaki 的日本Working Holiday: 3-2-2012 (3日目) - 開始投入日本庶民生活的第一天

今日再不能有負所望，準時1點半起身，跟住坐ホウさん架單車尾去AEON MALL度辦外国人登錄証，我問佢日本係咪唔俾單邊pad坐住載人，佢就話”だいじょうぶ、だいじょうぶ（大丈夫）”（冇問題冇問題）單車尾，踩到ホウさん有少少噓噓噓咁，不過就好快到啫。上到去辦証嗰度ホウさん已經好熟手咁即刻去攞飛等叫名，我仲喺出面影番入黎，跟住好快已經叫到就俾齊d form 你填，其實就冇乜特別，都係來來去去填你既個人資料咁，好少野既啫，但係問題總會喺你以為好簡單好快就搞掂既時侯就偏偏出現，就係衰喺個香港地址度。

其實我都知我要填鰂魚涌尼個字係會有ｄ麻煩ga la(因為應該好多人都知"鰂"字係香港同台灣字，ホウさん都話台灣有)，所以我諗住懶醒填英文俾佢(當我寫落去既時侯ホウさん先話寫漢字好ｄ，咁就由得佢la)，點知俾佢ben左，佢地話打唔到出黎(話明係香港字，日文字庫又點會有呢...)，跟住ホウさん就用佢部手機show俾佢地睇係打到，但係搞完一輪都係唔得，因為當時已經大的4點3，佢地政府機關5點就閂，驚阻住佢地收工就話張原票(一張當未正式取証前可以用300円買黎証明你已申請左張証，咁就可以憑尼張A4紙去申請電話同户口，不過尼張票大銀行未必接受，要睇你彩數)可能今日出唔到。咁我就即刻話可以轉用常用曰文字庫裏面都有既"側"黎代替，反正香港嗰邊d郵差都一定知係邊度，再加上ホウさん既2級就1級既日文攻勢，甚麼”頼みます”(拜托)ar、趕住要ar，佢先答應搞掂佢。
但就要俾佢帶禮貌既訓話，話唔好喺度影相，影左嗰d都要delete，不過就冇要求喺佢面前delete(都唔明網上睇過有位WHJ師姐喺東京都有影la...)。跟住俾錢同攞埋一張3月2日帶去取証既紙就搞掂lar，中途ホウさん成日講めんどうくさい(面倒臭い，發音幾得意—men dog sai,個ku音吞左)話ｄ日本人麻差煩。（笑）

所以奉勸WHJ既師弟妹都係寫番一d佢地有既字就唔洗費時失事lar。咁我都要入鄉隨俗，做個自律既香港人，絕不能搞衰香港人尼個dor，所以就淨係post d見得光既野la。

住基就係住民基本保障，外登就係我尼種外囯人登錄証

300円換取既原票

3月2日拎尼張紙去取証

搞掂之後又4點7就嗱嗱諗住過去三菱東京UFJ銀行度開户口，點知counter嗰邊已經閂門，再去埋三井住友都閂埋，咁ホウさん話想走過去河內永和嗰邊買野，咁我就唔記得我要出電話咁就上番佢架單車一齊去lar。
一入去ホウさん就好快手咁執哂佢要既野，咁我就叫佢唔洗等我叫佢番去先，我仲要慢慢睇。

JR河內永和駅，我企喺度既後面就係近鉄河內永和駅，係十字交差既一個轉車站

ホウさん教我如果出梅田既話最平既方法就唔搭近鉄轉JR，而要喺河內永和尼度JR轉JR咁去就最慳。來回可以慳番百幾円(多個包ga la...)

個站行過d就係尼度。尼個"金庫"前d就係サンデー(SUNDAY)

LAWSON喺隔離兼共用停車場

サンデー(SUNDAY)，屬於平價食料品超市，唔提供膠袋

近門口擺晒d蔬果喺度，名符其實師奶聚腳地

有一大碌卷物，佢地好興揸住就咁咬，香港嗰d基本上會切開

生熟都賣，尼壇係有塩掩過既魚

扮三色團子既魚丸

牛乳係我喺日本必買既飲品，唔洗講都知道曰本d奶特別香濃，特別吸引，我反而揀左冇特價嗰隻おいしい牛乳，睇下係咪真係咁美味先，但係我見幾個日本師奶又好唔師奶又好都揀3.6嗰隻，原因係減價，但3.6牛乳唔通真係無敵比例?!下次再買埋黎試先...

無敵價咖喱呀~仲平過香港。雖然喺香港都食開尼幾隻house，但一定都要買番d返去救命la...

原來杯飯都有

"秘密的HiChew"食糖都要唔知食乜味仲要諗到變化石，乜真係咁受
歡迎要重返(帰ってきた)...(裏面4種味道，應該係唔同既味都用同一張
糖紙包装等你食落至知乜味)我對HiChew尼d軟糖不大興趣

一個九州嗰邊幾出名既丸泰拉麵經典棒麵都只係賣200円唔洗

都睇左好耐買埋d野就經過share house擺低再出去貢，返到冇幾耐見ホウさん收郵包，順便影下郵差叔叔同佢架座駕，之後經番附近商店街去広小路嗰邊間元祿寿司買條睇下點解咁多人買。

ホウさん急腳出黎接郵包

郵差叔叔架座駕，並非電單車，而係電動單車

其實尼條share house出黎既商店街叫POBO Avenue

淨係尼條街都起碼2間藥房

請樓面同厨房幫工時薪850円，9點打後加25％

就係尼間燒肉舖

另一間拉麵店僅俾今年最低工資多少少

就係尼間龜王拉麵(九州系)，未試過得唔得

好啱佢間野既性質—幫襯佢既人就係要招來發財，有件衫着住靚女d

買獎券既地方，尼間野應該係全國性

今日入下個SEGA WORLD睇下，不外乎地下Pachinko+跑馬機+夾公仔，樓上就係街機，吸引到我既不外乎賽車game，不過冇玩只係齋睇4條友對戰，順便睇下佢地全国裏面揀邊條高速，睇完再過番對面布施mall嗰面逛，中途見到原來講昭和時代你同你條街64年既野套ALWAYS(冇仔細睇故事內容)，再落去我當日初黎報到怱忙經過既地方行吓...突然見到站內閘口個顯示屏打出有人身事故，又停低睇卞乜事。之後沿路返去食飯。

喺日本尼d叫高規格救急車，設備比一般救急車完善，大部份在都市區間服務既都換晒尼種。啱啱有個病人上左架車，查實喺日本佢地既出勤率都幾高，黎到尼幾日都間唔中聽到佢把聲。

Family Mart賣壽司出怪招?!其實都make sence既，佢賣既惠方卷係相傳喺立春前一日向住嗰年個位一路笑一路食就能夠商賣繁盛無病消災咁話。尼排度度都賣惠方卷。惠方就係歲德神坐個位，，屬關西既風俗，佢地鍾意以毒攻毒，用鬼神僻走衰野。

布施駅嗰邊既廣小路

行過見到有座祭典用既神轎，聽ホウさん話夏天會出黎遊街。間元祿
寿司就係喺隔離1個舖位，仲要係本舖(總店)尼

以步姐做主題既Pachinko

黎到公仔機陣尼度竟然有staff同我講唔影得相，Rar哂頭...

我已經唔知幾耐冇去過機舖，都唔知灣岸出到全国分身，佢地都係對首都高C1環狀線情有獨鐘，最右邊嗰條o靚仔最勞嘈，初頭就第一，之後俾同佢一樣揸evolution7既左2嗰個過左佢就冇得上訴，條友真係每個灣都食盡個位尼過，仲要揸堒波，勁!~之後贏左嗰個終於返番家鄉，玩阪神高速，道頓崛段開車...之後冇再睇lar，報道完畢!

由SEGA WORLD行番過去條電車橋下天橋

ALWAYS既戲院poster，間戲院就係喺SEGA WORLD過d

介紹昭和時代既事物

布施站同近鉄百貨嗰邊

未考究點解布施係惠比寿神既地方

揸住袋寿司見到有鏡，隨意自拍一幅。淨係知d寒風吹到塊面同個咀
好乾兼有d爆拆。

站內連接近鉄百貨

初黎報到嗰日就係喺尼度出閘再問對埋嗰位站務員點行番上去。

站內既顯示屏。原來喺4:40pm既時侯一個平交道(火車與馬路交差既交滙閘口)發生傷亡事故，部份列車停站會有變更...

站內舖頭，如佢所名，係淨椰菜燒鉼。問過佢話冇肉，齋尼野唔係咁啱我，even係130円...

隻国際帝石咁勁ge，不過唔知乜。(@野村証券)

另一版"フジHD"(FUJI HD)仲貴

最近share house既一間大型Pachinko連鎖店，上面有專用停車場，單車更加成日泊到密密麻麻。佢企喺停車場出入口嗰d車輛誘導員次次我行過都會同我打招呼兼有車轉入去既時候，佢地第一時間係咋住架車而唔係行人。我都覺得喺日本係車讓人，香港啋你都傻。可能尼走來走去佢知道你住尼付近。東京d唔會。

返到去就即刻開昨晚買既餃子同頭先條元祿寿司出去客廳食，就見到另一個台灣Working holiday既CHER san食緊飯，叮好餃子後一路開餐一路同佢爹同睇Music Station(J2有播嗰個)...

喺サンデー(SUNDAY)買既野，爭包獅子狗放左入雪櫃。其中個蝦餅係答謝ホウさん既幫忙ge...

唔知佢冇袋派，局住俾10円佢洗

所有單據我都會keep，以作統計開支

晚餐(長沙津太卷+餃子)

做緊Music Station

跟住第一次見到難波さん(冇錯佢個姓就難波個地名)，原來之前我喺communication board度見到會搞燒八爪魚丸party，個人就係佢。冇幾耐ホウさん出黎話有日本d搞笑野睇，就攞埋佢部腦出黎駁電視俾我地睇。跟住一個日本語sensei番黎俾左兜薯條我地食(之前5,6點既時侯我出去煲水飲既時侯已經見過，佢煲好壺水話可以俾我，不過佢好怱忙咁整早餐冇正式打個招呼)，仲問我如果想讀日文既話可以問佢，幾nice!

之後我笑笑下開始恰眼瞓就走番入房同屋企skype再食埋宵夜先冲涼，就結束第一日既庶民生活。