Kazuaki 的日本Working Holiday: 1-2-2012 (1日目) - 踏上日本working holiday大阪登陸之旅

前一晚仲要為個喼過重而煩左成晚，到5點幾至訓,尼日一朝早7點就起左身踏上長征之旅，8點我打的(8折嗰隻)然後9點到機場之後就收左封超超超大出門利是(3XXX)(びっくりした～嬉しかった！)（嚇左一跳，太開心lar!），之後食完早餐就例行影幅合照再加上重覆又重覆既叮嚀同祝福就正式踏上征途。

與重覆叮嚀者(mum)合照

再重覆與重覆叮嚀者合照

入左禁區之後已經時間無多，即刻去揾Gate20，點知臨時改左去Gate509，就即刻落去搭「孤島巴士」(接駁停機坪中央登機樓之停機坪專用巴士)去孤島登機，那時剛接到航空公司打來催上機，荒忙登機之。

怱忙chop一幅

上孤島巴士去Gate 509

上到機試過坐737-800細機，到開機時才知道我隔離2個位都冇人坐，可以獨霸3個位，又唔洗要人讓開兼放野，真係抵!~之後訓左一覺，但個機內食就麻麻喇。

望番主島(主航樓)

仲要停低等龐型巨物行過(急...)

就快到孤島lar...

再見青馬大橋~

再見啓德~

美麗的天空

美麗的雲彩

機內食我揀左雞飯，唔係咁掂!好彩仲有みちゃん(mimi)培我食

関西空港連絡橋

望到架紫藍色既特急ラピット

関西国際空港到着

3點幾落機係登機橋見到JAL d 地勤做早操，之後原來要搭無人駕駛去航樓並揾地方WiFi報平安，諗住過去空港駅嗰邊都會有，點知問左車站食蕉呀叔話冇，局住又要返番去航樓嗰邊再問information姐姐才知佢counter前d有internet corner個signal強d先報到。

嗰陣時3點幾飯氣攻心後要上日航早操班

望去睇早操班既登機橋同架機

関西空港既無人駕駛(連接主航樓)

香港架藍色，佢架唔同款

空港内之聖物?!未考究係乜，影左先

関西国際空港到着層

之後快腳衝番去車站買南海電鉄「特急ラピット」票啱啱好撞正4:35有班，如果唔係就要等多半粒鐘先再有特急。跟住到達尾站南海難波落車。

関西空港駅南海電鉄改札口

我坐錯位請我坐回原位既車務姐姐，雖化足粧但始終露出面上班點(7.5分la)...

過緊関西空港連絡橋

第一個停既點

天下茶屋駅停車

新今宮駅停車

特急ラピット車票

南海難波駅到着，好型既銀河列車型特急ラピット

車尾正面再chop多幅

之後由南海難波NAMBA CITY接去地下車站街嗰段問左2個人都冇頭緒有冇escalator or 落下面轉近鉄，途中又上又落後問到個好nice既好心人，佢帶我去到escalator仲幫埋我拎大嗰個喼落埋escalator再指住話"まっすぐ走って・・・”（前面一直行），真係第一次深刻地感受到大阪人可以nice成咁，梗係要影番幅相表楊下佢la...

一個普通料理店職人，現在成為人生中第一個幫得咁盡既日本人，雖然牙就黄左d但係唔洗曬手拎頭lar，你幫関西人keep住大阪人nice d個dor，實至名歸架你!

影完後仲要係放工時間5,6點咩住背囊(8kg),右手拉住細喼(10kg)、左手推住大喼(15kg)好似自己揸住人肉拖頭咁推前又要睇住唔好撞到人、後面個喼轉灣時又唔好碌到人地隻腳，又要快速左cut線右cut線...如是者行足2條街既路才到近鈇難波，之後買左去布施既250円區間票，等左唔係好耐上左架急行，10min多d到達東大阪市布施駅。

3碌廣告柱

廣告柱落去下面就到難關

難關就喺前面，因得樓梯，點知原來左面寫住往地下鉄既escalator都落得，真係最衰臨行前唔記得帶構內圖功課紙...如果唔係老早落左去

長征2條街...

落埋尼度就到近鉄難波站lar,

買飛，250円

入閘...好鬼多人，因為去到奈良都可以靠佢

等車時影下隔離月台架特急

我係搭2號月台既"急行-奈良"，佢地好有system,顯示屏上有圓圈三角同顏色，數字為車両編成號數來表示你應企喺邊條lane等你班車

上尼架急行，布施都算大站，所以都停

布施駅到着

月台內自拍，都唔算十分疲倦，係個膊頭有d痛

出左站行到去misterdounut付近竟有人問我係咪鍾明遠，原來係之前喺email度聯絡過既台灣留學生(ホウさん，屋主之前叫佢黎接我機但我話自己黎都ok)見6點幾我都未到就騎單車想去車站等我，點知第一次見面就喺街撞到正，之所以撞到正係因為如果我行對面行人路就應該撞唔到，與ホウさん（彭さん）的確有緣!

行過布施駅外商店街群

終於到達目的地—シェアハウス　アルト(Share House ART)，一間有
40年歷史2010年全屋內外裝翻新改造既文化住宅型share house

之後一齊行番去share house，入去就見到井上さん(屋主之一)來迎接我來臨，例行幾句"はじめまして、どうぞよろしくお願いいたします”（初次見面多多指教）後ホウさん同我一齊入聯誼房同井上さん開始解釋條款同規矩，ホウさん做翻譯既角色解釋一ｄ我聽唔明既地方俾我知，然後交錢簽約交匙。

租約及條款

新加入條款

垃圾分類收集日及資料

簽約後佢問我租幾耐，因為要等之前香港間公司推薦我個AGM覆何去何從才能決定，所以都暫時照舊租住一個月先。講完租約後佢仲好好客咁沖奶茶同曲奇招呼傾下計，之後就講解全屋設施同需守既規矩。冇幾耐另一個日本人男仔住客吉原さん返來又入黎爹下，跟住又見一個台灣WHJ既女仔出去返日本語教室(聽ホウさん講好似係無料)，之後又見到匈牙利女仔返黎，因為間房喺正門口，互相介紹都忙個不停...完全冇意識去部共家腦度報告行踪...

左為ホウさん、右為井上さん

茶點招呼，左下為我既印章

同在靜岡出身既24歲吉原さん一齊爹

大家嘻嘻哈哈傾到8點幾左右井上さん話要走並約我明天同埋ホウさん一齊去幫我搞外国人登錄証。之後我就叫埋ホウさん一齊出去揾食，一路同佢行佢一路介紹附近既商店情報俾我知。佢都同我一樣視松屋為”第一好朋友”，但我想試下第2間就帶左我去”なか卯”度食，一間都係”安いながら、うまいだ(又平又有飯食又好食)既松屋既同類。我點左親子丼大盛(大碗雞肉蛋飯)，入左一千円找番450円...

間野門口

ホウさん坐低左（中間黑衫）我又chop番幅，間野部出票自販機當你揀好食乜之後就會即刻好大聲咁噏出你食乜俾厨房嗰邊知，亦即係全世界都知你食乜(笑)

雞肉同蛋都好滑，叫做大盛，實質以香港標準係普通，小盛390円更加不hum設想

一路食一路傾先知道原來ホウさん係台南桃原人已經係研究生，佢話講另一種話，我已經即刻話係阿扁嗰隻ar ma，佢即刻話啱。仲有好幾個猛人存在，頭先見到嗰個匈牙利人係醫生，另外喺門口見到嗰個就係男護士，真係唔簡單！食完走之前佢大聲講左”ごちそうさま”(即係我食飽lar，作為一種禮貌語)，仲教我講tim。番到去share house入去飯廳又見到另一個喺日本漆度做既日本女仔吉田さん同之前去完日本語教室既台灣WHJ女仔一齊傾下計，佢見到我就話"日本人がみたいです”(似日本人)同埋話我睇唔出31。之後我就入番房影相紀錄第一天既摸樣再搞大工程—setup上網同WiFi黎whatsapp，依照之前表哥既方法都唔得之後就去揾同住地下E號室既ホウさん請教他。佢都幫我搞左好耐都話要give up，惟有靠住佢個WiFi黎向我表哥求救，整下整下最後都成功上網，急不及待同佢skype下，傾到差唔多3點幾，之後冲埋涼已經係5點幾，行入房之前又見一個日本男仔怱忙趕出門口，齋say hi後返入房，明天跟佢地去搞証同買日用品，熄燈後結束我大阪既第一天。