今日原本諗住等彭貴人放學返黎又坐佢單車尾一齊去銀行試吓幫我開户口，但點知佢地銀行收3點半咁早都遲左...惟有改日再去。咁我就決定再去業務SUPER揾之前食過番尋味既39円Dorayaki(紅豆燒餅)，順便過嗰邊遠d行吓...
行到去車站付近見到尼d類似香港"咖啡仔"既隸屬警察署既泊車監視員，真係喺度左恰右恰
就係尼條広小路一直去向我企喺度尼邊既遠處就係業務SUPER
中途見到另外2個泊車監視員好似對尼架車有所行動
途經既一間殘舊消防派出所，只係得泵車駐札
三之瀨公民館
"一出世就唔郁"既一尊佛?!^^，又鈎起我既好奇心去探秘一下
中途見到公園就入去感受吓日本地道既庶民公園考察下民情...
公園入口，間屋係公廁
尼排都見到尼個公仔，今次喺公園個公廁見到。原來係東大阪市既代表character，代表東大阪市係欖球既城市
公園裏好地道既情景
o靚仔踢街波。影佢地既時侯佢地仲覺得奇怪又唔係乜甲組波，咁都好影之後就好落力咁踢俾我影lar^^
準備抽射~
人哋公園俾放狗，仲可以任佢走...反觀香港始終有d人唔識自律係應該點做累全家，搞到香港某d人對養狗既人起哂戒心兼誤解，真係要學吓人lar!~
真係太地道既曰本公共遊樂場，得鋪沙無膠墊
仲寫住唔好餵白鴿，免致佢哋即食即呵造成附近民居嚴重困擾
估唔到都同香港一樣有公園呀伯捉象棋，不過當然係日本將棋
鋪棋望落去應該係紅衫佔上風，但係好搞笑地影左冇幾耐就完一鋪兼紅衫讓位俾另一位呀伯。之後紅衫嗰位就對我笑住話"お兄さん何を撮ってるか?"(即係哥仔你影緊乜野?)我答佢我係遊客，睇吓啫...
排好再第2鋪睇完捉棋後再繼續前進...
用櫻花襯托大阪城，蓋上方logo為大阪府logo，個渠蓋咁靚，梗係要影下la。原來已經去到生野區
一問燒八爪魚丸連鎖既屋頂行到有個路口指埋去不動尊寺就喺入d，就去望吓。揾到去個牌下只得個日式庭園，就再貢入d睇吓...
揾到去尼度未滿足到我既好奇心
類似佛堂咁，跟住又俾個藍衫呀嬸問影乜...真係煩，都唔知有咩唔見得光...你估你係真理教總部咩...sumimasen囉~
唔俾唔俾之前都影埋尼幅...
仲有尼幅...咁正ge，信徒休憩所?!d信徒應該都奉獻左好多錢...
一架屬於地盤裏面既混凝土車都可以咁乾淨~貢完就到業務SUPER
業務SUPER前少少既燒肉店
男人大食d所以要比女人貴?
去到又差唔多5點幾，開始天陰陰lar
買完野出番黎既時侯就落毛毛雨，
黎到第一次見"大阪府警"，喺東京嗰d喺隸屬警視廳過d既＋字路口有連續幾間郊外house型既食肆同大超市，
十字路口既食肆1:和食料理Sato，推廣緊d Shabu Shabu餐
十字路口既食肆2:Cafe Gusto，屬一飲食集團
十字路口既食肆3:"COWBOY家族"扒房跟住過埋＋字路口再去周邊一逛...
又見到松屋
Tomica車仔就有2架類似尼d小型灯油(火水)販賣貨車，用以賣俾附近住民作入落gas暖爐既取暖油之用。真車都係第一次見，尼架係屬於ENEOS(新日本石油)公司。因為去旅行根本唔會黎尼d咁住宅既地方係唔會見到d咁民生既野，所以旅行幾個禮拜都滿足唔到我。
好少見到生哂銹都唔補吓油既交通燈
開24小時既玉出超市入左間玉出大超市
門口
入面好鬼colourful，好似去左d冒險樂園咁
日本有金裝可樂(零糖零咖啡因)
d house牌咖喱真係低處未算低，仲要平過SUNDAY(95円)!~
估唔到李錦記都喺日本打開市場既醬料包
不過始終係日式中華料理，我地未必會啱口味
同香港一樣喺大陸造出番黎天黑晒，就去左すき屋(SUKIYA)度食飯，
SUKIYA，牛肉飯屋，屬松屋、なか卯、吉野家既競爭對手
SUKIYA入面
我試下尼個期間限定
葱Kimchi牛肉飯(並)(即係例俾份量)380円
落埋佢d自家製後面嗰支洋葱醋汁食好食d
仲有一支青檸沙律汁d味好啱食沙律用，兩支都好醒胃
基本上喺日本d食肆水係任飲，唔洗好似香港明知飲其他甜野唔健康
都基於頸渴於無耐要幫襯佢飲汽水，日本好均爭，唔想飲其他野，
俾你灌水又健康又解渴，仲要唔係香港嗰d熱到lad哂咀既圾時間解
唔到喝既免費水
我坐埋牆個位，見到我個袋食完出去行又見到"洋服青山"，諗住之後可能要見工就入去睇吓d皮鞋幾多錢，原來最平既正價皮鞋都要7900円，不過就係Made in Japan。
洋服青山，上班服專門連鎖店。諗住之前喺東京見過擺左d恤衫喺門口都唔貴，就入去睇吓。
"青山"入面睇完行埋"青山"隔離既100円店...
原來尼間連稅既100円店喺share house付近既近鉄百貨入面都有
有得夾野既100円店
又見到另外一款李錦記醬料包，係香港家常便飯style
既肉粒豆腐同薯仔炆豬肉
劃出黎既夾野corner
夾AKB48既野既夾公仔機買左私家筷子同拖鞋之後出去再周圍貢...
賣工作制服及用具既專門店，對我冇乜用，齋影冇入去睇
經過另一間洋服店Haruyama，發現就係而家電視
賣緊廣告既修身剪裁西裝，又揾AKB48...
上去見到幅全家福又影吓，尼期佢哋真係大熱，連藥房同頭先嗰間
100円店都聽到佢哋d歌，唯一我聽到喺100円店嗰首会いたかったかも
しれない(可能太想見你)，好深刻嗰句"会いたかった~会いたかった~
YES!~"係我係無線無間音樂度聽過所以識
Recycle Shop良品買館。顧名施義係二手店
入面好多種類
真係好多望下就算睇完哂差不多9點幾冒雨兼3度寒風用件褸頂帽笠住個頭行左半粒鐘有多返歸lar。返黎例行公事影低記錄放好。
今日掃左16個"好朋友"番黎同其他食糧。
仲有100円3隻既食麵專用羹(冇一隻單賣)
我的糧食儲備庫跟手寫埋個blog，食番個宵夜獎勵又一日。
今晚既宵夜。(過左期1日，不過冇相干，因為係此日期前最佳，而唔係賞味期限)牛乳+櫻花味蒸麵包，包上面配塊用鹽醃過既櫻花葉，成個包陣味真係好香櫻花味個包底仲有櫻花蓉，上下都俾櫻花味大包圍，我覺得好特別。其實都未"文"過櫻花係咪尼陣味，3月櫻花盛開既時侯一定要"文"吓係咪一樣先...
沒有留言:
張貼留言