17-2-2012 (17日目) - 手機入手&Takoyaki Party日

今朝11點幾去到au，唔洗等嗌飛就叫左我埋去尼位呀妹度，話要出0機價plan後睇完我d個人資料後佢就話日本Passport會有自己地址，但我個Passport冇我個住址係唔可以登錄，咁我就同佢講我可以寫番個家人地址落緊急連絡人嗰欄度(一齊住就話一樣啫，唔一齊住都要格硬寫上去...)，佢就打去審查度問吓。等左一段彼長既時間之後隨住佢就做左個OK既手勢之後亦象徵我既開手機頻撲之旅可以終結lar。我揀左0機價基本使用費980円/月(Plan Z Simple，通話費21円/30秒，同台1-9pm免費)+315円手機email收發費(日本人普遍溝通方式，唔加唔得)，另加手機Adpter 945円同例牌3150円手續費，雖然1年後預左要俾既9975円解約費(如唔提出解約會自動續約，SoftBank同au都係)，但總比開SoftBank既Prepaid Card連電話set90円/min抵d。仲有d對我黎講唔需要既300円自選電話Number最後3位同d手機保險費。
跟住佢肯將說話速度減慢解釋d細節同好有耐性咁停落黎面對面咁聆聽我既各樣詢問，SoftBank嗰面就差好遠...臨走時我都有多謝佢既詳細既說明。(繼第1個"難波料理職人"後佢係第2個我欣賞既大阪人—"au妹子")

梗係要影番幅相表揚下佢la!~(一話同佢影相就即刻合埋雙手擺尼個好PRO既pose，果然係PRO開!)

原來杉崎(Sugizaki)妹子(睇佢都係22,3，叫妹子都應該冇錯，叫春美即Harumi都好大路既名)係au既Heart Full Staff兼PRO STAFF，個PRO STAFF badge亦穿左喺佢制服上(長條形嗰個)，唔怪得知咁有耐性同細心la~

TOSHIBA T008，有黑、粉紅同粉藍。個面度有暗藏式LED燈可以自由選擇LED顏色同閃耀變化效果同字幕顯示信息，可以免費睇埋電視(尼樣對我無電視喺房既人係幾正)

同我部SAMSUNG Galaxy W好襯色

d贈品同右下個Adpter(係冇softbank有otousan隻白狗d gift咁吸引，但分別在就係au部0機價plan既手機唔係softbank用"softbank牌大陸機"同埋網絡覆蓋率高)

左為日本有SIM lock機用既SIM card(AEON b mobile個SIM card plan都係用尼隻card，可能插左入部機都未必對應)，同右面香港嗰張IC chip係有分別，可能係咁既關係之前AEON b mobile個SIM card plan真係未必用到...(所以亦唔好諗住可以用部iphone來日作電話用，係冇prepaid for iphone d細card作通話用，基本上係必須用日本既電話先可以插佢地既SIMcard，尼點亦可解釋到有SIM lock下SoftBank既prepaid card需要連手機1set發賣既原因。除非喺日本簽iphone 2年plan，如果唔係香港帶過黎既iphone就只可作上網之用而已)

電話到手就梗係即刻打去東京揾人事部manager la，打到去用我有限既日文能力對話，大致聽到香港位manager提示過佢請既話係會用學生兼職形式聘請，並需要日本既學校証明，我亦只可話我係Working Holiday無學校証明，之後就叫我等入左學校之後再聯絡過佢，都未問佢乜學校証明就趕住有野做想收線咁，最後問我攞左電話，就多謝一句大家結束通話...所以感覺上係我未合乎佢要求既日本服務業日語level先係point。之後禮貌上都要send email俾香港位manager度交代番，待星期一睇下佢會唔會聯絡番日本嗰面之後覆我既同我get到既係咪一樣la...

晏晝食左加d水就叮得既麻婆粉絲

有肉粒、荀粒、甘荀粒，幾正!~

米岡san去完奈良返黎俾大家食

奈良鹿角和尚仔(Sentokun)曲奇

差唔多8點幾開Takoyaki Party喇!~大家開始準備工夫，等我幫手切吓葱先...

唔數123就影既彭貴人

呀井本san(左)之前切得勁大粒，嗱住嚿八爪魚點切好尼...呀篠原san(右)嗰d獅子狗粒就合哂格，我d經Namba san驗證後都合格~

Namba san(女)係今次party發起人兼主厨，調粉既重任梗係由佢黎la

Namba san睇吓彭貴人發成點先~

睇到佢發成咁開始頂唔順要笑lar~

HAHAHAHA~~~真係頂唔順彭貴人 d怪招lar...笑到佢，睇見佢咁笑法，我都忍唔住笑埋一份。頭先我幫手切d八爪魚既時候佢睇到我初頭用刀平切雙手壓落去都切唔到既時候佢就係咁樣笑由廚房笑到出黎，我亦都係忍唔到跟佢笑埋一份~^^(之後先醒起把刀斜落就切到lar，一時醒唔起啫~我諗佢見到我哋d怪招對佢尼講係今次party既快樂之源。)

開始搽油

啱啱搞掂就俾吉原san捕捉到尼個shot

我望住其實好想玩吓

Namba san遙控彭貴人落多d呀~多d呀~~

輪到Cher san玩，仲未輪到我玩...

Step2梗係落八爪魚la~

d料都落齊俾Namba san發現根本都未開掣

Round 1既1号機既情況(加咁鬼多我最憎既薑...) 

Round 1既2号機既情況(同樣咁鬼多薑...)

切緊d泡菜準備下Round用

2号機d唔係好掂...

1号機d大粒OK d

挑吓反吓一齊玩...

Namba san試吓你哋班友整成乜水準先...

Round 1成品，都好似出面舖頭嗰d味

Round 2由吉原san操刀，加勁多粉漿同芝士條

Round 2 1,2号機都d都掂

似樣lar~個個都讚吉原san可以去開檔lar~

吉原san同我一樣係大汁派，睇尼壇Round 2就知la~おいしいそう~!!～(好似好好食咁~)

豐永san好少上鏡，左戴眼鏡嗰個就係佢lar，放工返黎就即刻埋位

台灣人應該唔興講123，Cher san又係咁...就幫我影左lar...

再黎Round 3!~

今Round照舊落芝士再落泡菜

唔夠玩，再溝多次粉

個磅係Namba san既自伙

Cher san影完我話尼幅唔合格再影

同吉原san影吓先

掂呀尼Round!~

今次大家都係熟手技工，兩部機整既都咁正!!直情係街檔水準!!~

我搞既大綠大醬，一睇就知係靠得住la!!~

"草球"果然係超正!!!~~~

剩左既八爪魚又俾吉原san倒d沙津汁落去，但連佢都覺得點醬油好食d

我飲尼2罐。低卡巨峰酒同金麥beer，入口嗰吓會feel到好rich麥味，我幾鐘意

2部Namba san既私伙，尼d八爪魚丸機喺日本細嗰部千円都有交易

Cher san:嗱住部機既唔係SHOU(鍾)san(我)而係你?(吉原san作品，原來佢部相機同我部exactly一樣連色都一樣，唔怪得咁熟手la)

出自吉原手上既個性之作—"彭貴人的魅力"hahaha~^^

玩完一晚大家又分工合作洗大餅收拾現場，跟住就梗係俾party料金la，驚訝地Namba san話俾每人300円佢就得??其實應該唔夠，佢都話夠夠夠...Namba san真係唔話得，又去買料又出私伙仲要佢貼，お疲れ様でした!~(辛苦哂la!~)之後既我梗係要番房揾我既好朋友x3(39円紅豆燒餅)先掂la...