9-2-2012 (9日目) - 郵便局初開户

今日係去郵局開户既日子，2:50pm到着，我唔要再食閉門羹!!情節都係同去銀行差唔多，只係今次招呼我既係個5,60代既呀叔，好有耐性，續一指出我需要填既位置同剔d乜至啱。可能郵局開户所需既條件要求比較冇咁多，今次溝通上都比較順暢一d，當然某d我未接觸過既用字都要勞煩尼位山崎小姐寫出來俾我睇。之後辦好入左d錢(下限1000円)入去個户口，等佢明日或後日速遞本存摺(日文漢字:通帳/つうちょう)過黎你住既地方就可以lar。提款卡就要等兩星期左右先會有得攞。而家暫時一定要去郵局用存摺喺ATM機或counter先可以攞到錢。

埋到counter想影吓尼壇眼鏡表揚吓佢哋貼心既服務(其實日本郵政都成為株式会社民營化好幾年，前身係日本郵政公社，而家細分幾項服務，分別係我用尼個既郵貯銀行、保險、郵便局同郵政。基本上需要直接與市場競爭，點可以唔貼心d吖)，點知又話唔影得，現在我開始發現佢地政府機關基本上都唔俾影(可能牽涉係人地會填寫個人資料既地方)

搞掂之後就諗住行開尼頭順便再行去小板嗰邊周街貢下...

笠頭披肩既地藏

 同我屋企架Tomica特注献血巴士exactly一樣

個帳蓬裏面都有暖氣。我走過入去問tomica架日本赤十字社特注血液運搬車(尼架非賣品好鬼罕，被炒至4,5千円)同我屋企架捐血巴士係咪要捐血先有，所以知道。(我都係想知道吓啫，黎到日本已經天寒地凍兼冇幾耐就餓(比起香港)，捐左等於獻"身"-魂歸天國lo~^0^)

見到可愛既小學生又影吓先(個伯伯覺得奇怪我個孫女又唔係童星做乜影佢...)

個車站好有七八年代feel

 睇到個牌寫住舊公團住宅，聯想到香港既公屋，就入去睇下...

原來都唔算公屋，都係向外租

入到去簡直好重舊屋邨feel

 睇完再週圍貢，見到成日食嗰隻House牌子既咖喱，間廠就喺尼頭，而家改裝緊，

大阪商業大學，同時係避難所。

 跟住行番返去又見到有日產租車公司，

 經過SUNDAY 超市，難免又要掃番d食糧。

今晚食麻婆豆腐飯，d麻婆醬包認真唔掂，甜口冇豆辨醬d味，又唔夠汁撈，揾d泡菜送吓飯。但其實d泡菜都偏甜口...今餐塞飽就算lar... >_<

諗住鶴橋出名係韓國街都唔掂...
食緊飯既時侯又喺ytv(讀賣電視)台見到AKB48...真係週度都離唔開佢地...

冇寫blog就瞓lu，明日睇下郵局嗰邊有冇速遞過來...