今日的起心肝11點起身決心要去食左幾次閉門羹既銀行嘗試搞開户口,首先去三菱東京UFJ銀行(貪佢分行網絡多),入到銀行即刻攞飛輪侯,冇幾耐已經有staff過黎招呼我,問我黎想辦乜野,一番溝通兼睇完我d証明後就叫我坐低等嗌number。埋到去俾哂d外国人登錄已申請証明書同原票俾佢睇之後,佢就問我開户既理由(當然好簡單就答佢用黎第時出糧用),之後當我唔明佢講乜既時候佢就將佢想講既野用電腦翻譯出黎俾我睇,再唔明當中一d字眼既時候就紙筆並用咁同我落力咁溝通,最終佢既意思都係話要有受聘公司既電話同地址先可以申請,不過都感謝佢既盡力詳細講解,令我作為入去既一個過客都感受到佢哋唔會入去就話你唔合乎資格就叫你走得。
之後過去三井住友銀行試再試吓,睇吓有冇機,入去例牌情節同上,但今次埋唔到counter,個店內指導staff行埋黎了解吓睇埋証明之後就已經鞠哂躬咁講"申し訳ありません”(不好意思既敬體),直接地話要等一個月後揸住正式嗰張外国人登錄証先可以門户。咁都係再抱住大把時間不仿試埋MIZUHO銀行(日本瑞穗銀行)(雖然知尼間更high一級,處理商業客户多過一般客户)。入到去情況如一,但今次有少少唔同就係其實招呼我個staff都清楚個規定係唔會接受嗰行來日理由寫住所謂"特定活動",但佢又唔知我係"特定活動"裏面既working holiday,知道之後已經皺起眉頭哂手拎頭,但係佢之後走左入去counter裏面問其他同事怎辦之後又用"好尊貴既客户"既態度請我坐低喺搞loan嗰邊,然後埋counter揾個識少少英文既男人同我詳細溝通,內容大致上話非日本住民既話就算攞到外国人登錄証都要等居住滿半年先可以開户。
走既時候全體counter前線staff都同你講多謝。都算係一種體驗日式優良服務態度既一次。個理念就係只要入到黎唔理係咪運吉與否,都力臻妥善回應,一視同仁既服務態度。跟住出番街第一次感受到寒風強橫,漫天飛雪既景象,我就停低喺銀行門口對出,感受一番到佢停雪就諗住返share house食lunch,食完再去肯定唔會俾人ben既郵局開户。
返到去見到有人清潔緊,係逢星期三黎既清潔工。而我就食...
食完出去郵局...
點知又趕唔切佢原來申請"郵貯户口"嗰邊4點就停止服務,唯有明天請早...之後就又咁早又貢下前面個站附近有d咩先...
入到AEON上左2樓又睇吓100円corner有冇厚d既seat pad用黎墊住share house 張tatami坐,之後又睇下超市有咩平野食,又拾到盒99円雜錦和菓子...之後過番小板駅另一邊睇...
當時最攞命係...
返到去食完野入番房聽到有音樂聲,即刻又貢出去飯廳見到篠原san教緊Cher san結他,又拿拿入房攞機影低佢。(本應影埋video,但尼度post唔到)
沒有留言:
張貼留言