今日原本要同井上さん同ホウさん約好3點一齊去幫我搞外囯人登錄証，尋晚搞个上網都搞到4點，冲埋涼整理下d野5點至瞓。點知我校左個電話鬧鐘係12:30am响(應該pm)，我起身既時候已經係4:40(實在幾好訓)，跟住仲見到黎到日本既第一場小雪，只見窗外好多細白色野飄過黎，當然尼個時間都差不多閂門(真係要ごめんねx10/10個唔好意思)，之後ホウさん話明天3點淨係佢同我去，咁唯有明日先去，再問ホウさん洗唔洗去買野，唔洗之後我就入房影下間房第2日既模樣同食埋尋晚9點喺AEON MALL下面買既半價"助六寿司"就出去開始黃昏探路貢吓。一出去當然去離アルﾄ(share house)只有2個街口既大型超市兼大型家品連100円店既”コーナン”(KOHNAN)度朝下la，諗住做下師奶週圍格下價，尼間野喺日本都有幾多分店，通常喺d住宅區裏面，以大阪府最多，裏面基本上係乜都有，乜都有既程度可以睇相就知嘞...
第2日係咁擺，因為要就番個lan線插位
開始有d亂擠d野
門口望入去仲算ok
"助六寿司"（即太卷+甜豆卜寿司）與メロンパン(名就叫蜜瓜飽，類似菠蘿飽咁，但牛油味重d，喺日本好普通，諗住攞黎宵夜)
コーナン門口，佢個音同コナン(CONAN)差不多同音(如果加番個名偵探喺前面大家一定明，所以我會叫佢"呵爛")
入去有擋たこ焼き(ハ爪魚丸子)，都唔平...
有日用品、藥房，電器、家品etc...
間"呵爛"仲有2樓，上面係賣埋冢居建材及用品，100円店就未行
有埋唔同牌子既洗pad廁板
其他家居裝修建材與用品
連家人姓乜既門牌都有
好鬼鍾意整d咁既野(睇完佢個樣唔知有冇強力浸透喺你印象裏面呢...喺日本呢d hero主義就一定強力浸透左d o靚仔個心度，如果唔係都冇咁多超人要拯救地球...)
唔洗我講都睇到係寵物酒店
簡易携帶便座，死未?!真係啱哂d隨處便溺既大陸喱，淨係識掃LV，就唔識揾廁所，連Landmark都要攻陷，同志們黎買番個la!
著名既宝塚歌劇團將會到演
之後行過去另一邊布施好長兼昭和味濃既商店街，門囗已有好朋友”松屋”，再入d有居酒屋、karaoke居洒屋(即係老餅居酒屋，d呀叔呀嬸唱d演歌嗰d呢)、藥房、たこ焼き舖（八爪魚丸子，大阪真係週街都係）etc...
跟手過番對面ホウさん話平嗰間近広小路商店街既藥房揾下日用品，原來佢上面又有間細100円店，入去買左1盒相信香港極少地方有得賣既SHISEIDO UNO 髮泥(雖然喺香港我剪髮嗰間都有，但幾貴)，尼間野未必係最平，但係盒髮泥啱啱有25%off，630円比其他藥房even係裏面昭和feel好重既商店街都要平，另外上左上面100円店買埋塊鏡方便唔洗上share house 2樓化粧室先有得照。
附近十字路口，初黎報到嗰晚就係喺過埋前面條馬路對埋嗰度撞到ホウさん黎接我 
有MisterDonut，大約離share house 50m
明天就要到嗰楝AEON MALL上面搞外国人登錄証
布施駅下最繁忙最旺既十字路段
站下既SEGA WORLD
第一條商店街門牌
入面好長，唔行咁入住
另外一面既本町商店街，電車橋隔住兩條街
ホウさん話平嗰間藥房
SHISEIDO UNO Ultra Solid髮泥，都算幾好用，硬得黎自然兼易洗，
原本之前喺香港用開GASBY moving rubber紫色(ホウさん都係，第
一日仲借我用)。黎到尼度梗係要試下香港少買到既野la~
睇見尼d真係好似返番日本人引以為傲年號最長既昭和時代，同埋想
去睇ALWAYS，套野係乜3日目裏面講解
跟住就去AEON MALL上面個玩具部睇下有乜料，真係有AEON特注既TOMICA，但係我對尼個period出嗰架冇興趣就走去隔離睇下女兒節人形。再落去AEON MALL下面個超市度睇下有冇跳樓價野食，果然又到90円5隻即食ぎょうざ(餃子)連汁同支檸茶同支特價2L水就返歸lar。返到去又收到香港公司嗰邊個yumiko san(之前推薦幫我拎份履歷書過去日本個AGM)既email，話已經同東京本社嗰面個HR manager講左可能想叫我過去interview，想我打電話過去俾個HR manager(電話喎!真係千個萬個億個緊張!~~)，好在一早寫左喺份履歷書度話東京既話要3月中旬至available，暫時未知係租約滿一個月後連行装定係齋隻身過去in。唔諗住lar，早d瞓，明日仲要去搞証，冇証就冇都唔洗諗。畢竟揾工方面總算有希望，總算瞓得着，又結束布施既第2日。
玩具部嗰層有埋女兒節人形賣，我個人最like上面個壇，有弓箭手呀
伯(右)護駕同一個樂師(左)
另外右邊嗰壇盞地燈仲有插蘇可長着，通通冇5,6千HK$都唔洗諗，不過以日本人尼講尼d唔算係好貴，而且係工藝品質素，係物有所值。更貴十幾萬HK$既一代傳一代樓梯祭壇嗰d先至係極品
左面嗰d一支支25度既sake正正係我現在既心境兼狀況,haha~右面為燒酒，我諗對於日本嗰d酒鬼4L吹哂都唔洗好多日
睇到忍唔住chop低同大家分享下:由地下一個普通到唔普通仲要係周街有既行車箭咀已經可以體現出日本人嗰種盡善盡美，一絲不徇堅守既精神，我覺得佢地明白凡事做好d就能夠一勞永逸免除翻手時既費時失事，因快得慢既道理，尼點我係好認同ga，可以睇得到好明顯用人手地下畫線稿後再謹謓上油，日本就係一個連地盤佬都做野做得咁仔細既一個國家，同佢地既服從性同自律有關，真係佩服!再睇番香港嗰d係角位唔會起哂角，尖位唔會咁利，就係愛曰本既堅守精神；就係愛日本既井井有條；就係愛日本既審美要求。因為香港既角度永遠只得即食文化!所謂既效率就係偷工減料、草草了事!!
AEON MALL 一出黎就見到
沒有留言:
張貼留言