當然我絕對明白就算香港位Assiant General Manager作出推薦但最後受聘與否始終都係日本尼便人事部既決定。Nonaka san(香港位AGM)冇架子又提携後輩，得到過佢既提携都係我既榮幸， 不過anyway總算盡力爭取過都係用番平常心看待。
經勉勵後懷住平常心看待後既樣子(玄關鏡自拍)
出門口前諗起張cash card都應該有得攞，就開信箱睇吓果然有通知寄到，就諗住去左郵局攞先去業務SUPER買野。去到原來要埋外國人登錄証明先攞得就即刻返去攞。
返到去衰懶!淨係除一隻鞋就單住腳入房，入到房就即刻放低左條匙，lock埋出房至醒起已經in-key(門已鎖，匙在內)，見到BORI san就第一時間問佢owner井上san既電話，就打俾井上san求救，佢就話要等放工7點左右先可以黎share house幫我開門。咁我就諗住出去業務SUPER後先返黎，但係始終都要有人鎖門同埋我返黎既時候要有人開門俾我先出得去。我就上2樓睇吓有邊個喺度，一上去就見到米岡san啱啱經過走廊，就問吓佢，佢就俾我入抵佢既手提等我返黎可以call佢落黎開門俾我，跟住就跟我落去幫我鎖門，真係唔該哂Yoneoka san!
CASH CARD即提款咭，佢用左我個名既片假名印上去
封通知書就用漢字
今次試吓行第二便路去，行到去一條地道黄昏下町風情既橫丁
見到尼d好懷舊既燈罩
前d一段既冇後面d咁靚
尾段出番去平時行嗰條去業務SUPER既大直路
喺業務SUPER時井上san聯絡左我，最後決定8點揾佢老公黎share house度幫我開門。咁我就快執完所需既野後就極速行返黎去，都要廿幾分鐘...(已經好快ga la,平時正常速度要半粒鐘)拎到我途中兩手交替隻手都一樣又凍又痛~...
返到喺門口等左幾分鐘就見到個肥肥哋戴眼鏡既男人騎單車駛到，就問我係咪shou san(鍾san)然後表明係屋主身份後就入去(日本女人嫁後會跟丈夫姓，所以佢先係正版井上san)，之後佢仲問我係邊個國家黎，係個幾典型喺日本卡通裏面見到嗰種咁既幾平易近人既肥爸爸type。
今次好朋友(Dorayaki/紅豆燒餅)反而仲平左1円，38円有交易，就唔好煩掃30個"好朋友"返黎看門口la~
1pack16pcs既朱古力皮年糕
外層朱古力包住年糕加內層花生醬，幾好食，我最鐘意尼d煙煙韌韌既口感ga la!仲請左2個俾喺廳既吉田san同篠原san食so so吓
返黎好肚餓即刻試吓頭先買既Mega 300g咖喱先...
食緊飯既時侯NHK教育台做緊中国語教室節目
的確喺大陸取景
教d小学生level既野
之後轉過去關西電視台度新聞報導福島發電廠內最新情况，title話廠內現實仍然嚴峻
又全副武裝咁直入虎穴...
報道媒體坐巴士入廠內深入報道
4号發電機組既殘況...
最後檢測到周邊每小時80微希既高放射量
HaHa!我就覺得係"福射"至真!~之所以咁稱呼係因為唔係佢可能我都唔知申請日本Working Holiday入唔入到圍，全靠"托佢既鴻福"先可以人做我唔做殺出新血路咁搭上尼班相信係唯一一班全申請者取錄既尾班車...
睇完"福射"就入房蓋括咁再吓略略入吓腦，明日就HeaHea早睡早起做working holiday做既"正經事"喇喂!!~
沒有留言:
張貼留言