之後我又趕住要打過東京嗰面揾人事部個manager約面試，又未有電話之下唯有去電話亭打，打到去人已經走左，叫我明日11:30後打去會喺度，之後留左言俾其他人。
之後就過去SoftBank度試下問Prepaid card，等嗌名埋courter等左好耐，等到埋到去問原來係有SIM lock既關係，一定連部手機俾你1set所以就算咭有貨都係冇用，佢仲話係只賣一段時間冇哂貨成個月，咁就叫佢問吓其他比較近既幾間同難波嗰面d分店有冇貨，結果都係缺。
最後我就再叫佢問多幾間，佢已經話咁會太滋擾加上有幾個客等緊就算la。問唔到就同佢講出2年0機價plan，跟住睇完我張原票同passport就又話出唔到。真係煩!~
咁就諗住咁近返去問下彭san係咪一日未有外國人登錄証就出唔到電話，同佢亶報後佢唔信冇Prepaid Card賣就同我出去問清楚。去到問另外一個男仔都係話冇哂貨亦唔知幾時有...
咁就問佢簽2年0機價plan，佢就竟然話可以，跟住都揀埋部機色最後都過唔到審查，都係冇講原因(由於佢可以用銀行户口過數，佢可能係怕d人用唔夠2年走左走佢條解約罰金數)。之後又拎左另一部最平都要俾多11000円有多既機出黎話可以一次過買斷尼部機就可以出到plan，如此一來又要sai錢買部機後又要俾罰金，我梗係唔受la...
咁又唯有過au度問，都知係冇SoftBank咁抵但都冇乜選擇...入去問prepaid card係冇賣，就直問簽2年，佢就係咁打電話去問應該係審查嗰邊，但嗰陣時已接近放工時間都冇人聽，所以就叫我明日早上去就唔洗等飛兼好快打得通佢審查電話。
之後返去即刻煮野食，食明太子cream汁雙腿蛋意粉，個汁帶粉紅色幾靚。配盒頭先喺SoftBank等嗌埋位時送既伊藤園MIX果汁(都見到佢有个雪櫃擺滿尼d size既飲品喺入面，少酸都ok)
同場加影"篠原風大根煮"，係篠原san整多左d俾我試下，佢就係嗰支酒加昆布汁見到佢仲有落d醋黎調個湯。估唔到第一次整俾我食地道日本人手勢既竟然係個男仔。
佢加埋d大葱同栗米落去，d日本蘿白幾甜又無根，個湯因落左d醋有少少酸味又有d昆布汁味，幾好食幾特別。(match哂佢種整咕做怪既style，未問係咪篠原家既家常菜tim)
今晚早瞓明日就早d再去au度碰吓運氣...
沒有留言:
張貼留言