7-2-2012 (一週目) - 來日一週的變化

變化d乜就講埋今日至講la!

今日去化粧室洗面時聽到有小朋友聲，就即刻出去騎樓度想望下佢地玩既情景兼影低，d小朋友喺度走黎走去
之前彭貴人話三井住友銀行係4點閂門(其實佢係記錯郵局)，諗住食d野去到3点鬆d幾步路好快就到應該未閂，點知去到又係閂門，仲撞到井上san，佢話原來日本既銀行平日係收3點六日就更加唔開。(吓?!放工咪就食得TEA?!)咁就又行吓AEON MALL裏面，行到5,6點就返番去。(裏面冇乜特別野，所以冇影到d乜)

喺街見到尼架警署外判既車係黎拎走d違例泊喺禁區既單車
話就話"強制徹去"但望左一陣，兩位呀叔都冇行動，架車淨係不斷廣播恐嚇下你唔好擺喺佢incharge既區域
貼喺地下既通知。寫左鎖車返去之後既放置地方，要攞番就要俾2500円，電單車4000円先攞得番
見到一架屬於商店街既小朋友坐駕購物車，仲有車門

原來間AEON MALL就快會再翻新，3月20日又有Refresh Open Sale

AEON MALL出番黎第一次見日本既電動車的士，係日產Leaf。佢地已經續步付諸實行環保商用車
EV就係Electric Vehicle既意思
黎到第一次煮飯，冇錯!就係齋"煮飯"...House咖喱屋(大辛)咖喱飯+1pack10包既永谷園麵豉湯。好搞笑地係用d細2人電飯煲煮，"不"起成煲飯後倒模咁上碟就整成尼個用嘜半米煮成既"饅頭飯"lar^^



跟住宵夜都係"好朋友"同牛乳，咁就簡單結束左尼個"來日一星期既曰子"。
回顧尼個星期，我發覺我已經慢慢習慣到日本寒冷既天氣，之前我喺香港覺得5,6度已經好凍，但落機嗰日係5-6度，我冇着件NORTH FACE(Summit Series登山系列)，着左件無印羽絨都唔覺好凍，就算你話當時要體力勞動咁拎行李，到第2-5日我都仲未洗着NORTH FACE咁serious。証明原來俾你日日都凍住你既時候，身體係會慢慢自己調整，亦都可以知道d日本人根本唔会當5-6度係d乜野，亦唔洗載手襪，有d都唔戴頸巾。(當然我就冇可能la)。所以而家會覺得起碼到0-1度就真係覺得好鬼死凍。同埋始於日本有暖氣係容易適應d ge~都算解除左當初諗驚會凍病(因為之前喺香港咳到氣管敏感)同食唔飽(d份量太少，再買野食條數又喺番度)既擔憂。

第2樣野就係原來怕孤寂既我面對自己鍾意既事與物當前，雖然share house有其他懷住唔同夢想與理想既人同你一齊渡過每一日，但都可以暫時忘記孤身一人，四處尋覓探秘我走我路，時間亦再唔係最大敵人，可以慢條絲理細意感受日本既每一秒。

第3就係做以前從來都冇做過既寫blog，雖然有d麻煩地我要用手寫板，但係我都要將我影低既仔細咁"寫"低記錄尼段曾經走過不一樣既人生。