10-2-2012 (10日目) - 開始了解日本禁拍尺度的一天

一早起身又聽到幼稚園嗰邊傳黎好熱鬧既小朋友聲，又即刻走去廳外望吓，今次放左佢哋出黎玩，就諗住影下佢哋既童真。

尼個時侯開始有老師留意緊，但佢只係望左眼又冇乜表示，我就諗住上1樓影會影得多d野，就上左去...

1樓影落去，當時其實未為意佢地已經戒備緊...

再影下佢哋打千鞦...就...

就俾尼位身穿啡色西裝類似校長既男人跑出黎出言禁止，當時我就sa哂lum咁say左sorry入番去。(真係估唔到離遠影下佢哋d童真都唔得，之後我問番其他日本人，原來佢地驚你攞d相去做d不法行為。唔...咁的確可以理解既，又上多一課lar...)

上完課就去睇吓個信箱，已經送到張領取通知黎。就即刻去郵局。

速遞黎既領取存摺通知書

喺ATM機隔離一個隱閉入口入面既"郵郵窗口"(ゆうゆう窓口)度攞份郵包

攞完返去早d食飯。今晚食肉醬意粉配雞肉漢堡扒。

食完又同佢地睇下電視，又同中間個篠原san傾吓喺日本揾工既難處同面試技巧

跟住蓧原san走左我同彭貴人(左)同Cher san(右)一齊傾到d催婚話題，真係好搞笑地佢哋話台灣d呀媽好鐘意管d仔女(even成年後)，仔既催娶老婆，女既催嫁之餘幫你搞埋"相睇"(睇下都嘥時間la~^^)最難理解就係呀彭貴人已經讀到接近1級日文，都要成日俾呀媽煩話早d返台灣娶左老婆先算，真係笑到我吖...咁我又問下佢有冇女朋友，佢話冇之後我就笑何來結到婚ar，跟住佢就話番我那你呢？你大過我哋都冇la又黎笑我...真係衰多口...(笑)

跟住又問我香港會唔會咁，答完梗係唔會之後就話我多幸福啊！Cher san就話之前阿媽都唔知佢去左澳洲Working Holiday3個月又黎日本，呀媽催婚唔成功已經"看破了"，我就話我呀媽要看破既話就已經破左20年la...(大家又笑一餐)。

笑完又研究吓d兩地既俗話，都仲未夠喉，又叫我話埋俾佢哋知香港d粗口當中既意思，真係笑足一晚，都講到幾夜...

入房又口痕食吓野先...

條蝦條上面曬左d紅色粒狀梅粉，食起有酸酸鹹鹹加蝦味，幾特別，都係見佢期間限定買黎試吓，果然有驚喜。

口痕完再上"主菜"--叮汀珍寶肉饅x2

咁就瞓得着喇~